佢：「佢個仔？！」（當堂打撚咗個突😂😂） 我：「係啊，咪就係咁。」 佢：「er……咁佢個仔幾大？夠18歲未啊？」 我：「梗係夠啦！唔通你以為得8個月咩。」 佢：「……咁你呢？」 我：「你問我？我個仔？我個仔就冇佢個仔咁大囉，得8歲。」 我繼續：「唉我都話，我哋個樣睇落後生啫。」 跟住我個frd填完，佢仲有諗過問我填唔填，但我其實全程一路揸住兜麵食緊，甚至冇點望過佢，佢最終放棄咗 走嗰陣仲話：「你真係好特別，我比一百分你。」 我：「bye bye，我比二百分你。」 然後佢終於走撚咗喇！！！🙏🏻 我都幾佩服自己可以無講過一句真話😂，其實一開始冇諗住應佢，但係當佢不停嗲多你幾句，完全唔應我又做唔到，始終佢唔係「有惡意」。但係我又覺得，明明係我企喺嗰度食緊嘢，佢過嚟打擾我地，就算走都應該係佢走啦。 同時我真係唔想比任何資料佢，唯有係咁撚鳩佢，希望佢知難而退，只係冇諗過呢個對手都算頑強。不過咁樣寫得出嚟有啲驚比人睇到，但如果你真係睇到，我唯有打從心底咁講一句真話：「欽莖陰敬！」