搵咗個有呢段嘅前段同後續嘅完整版嚟睇，結論係一定係西客唔啱， 1. 自己趕時間返工但又要買呢種即做嘅咖啡，仲要西住咁催人，人地問你洗唔洗取消其實全世界都係咁做法，然後仲要「問」人地係咪未食飯，咁淨係俾人撥唔熱嘅粉已經好好彩～ 2. 見到好多人話個女仔自控唔到同受唔到壓力唔適合做服務業嘅說法我就唔認同，因為在現場嗰個係佢唔係我哋，人地真係又攰又餓，再加上如果私生活都有唔開心嘅時候，咁樣再俾人刺激法，積積埋埋遲早會崩潰，只係睇幾時同地點而已，其他人根本冇資格去評論人地嘅受壓點同當下嘅情緒～ 3. 相反條臭嬸，就當可能佢自己嘅私生活都唔如意，但佢就將個怨氣發洩去一個做得佢個女嘅人身上，大恰細本身已經冇智慧，佢仲要話人唔尊重客人，咁其實佢自己都唔識尊重一個幫佢整嘢飲嘅人，俾錢唔係大晒，你自己做到就唔洗俾錢啦，先撩者賤呀，你不如意當人出氣筒，咁人地當番你做出氣筒，都係Karma嚟啫～ 3. 最尾個女仔去到將咖啡淋落自己身上，出現自殘同攬炒嘅行為，已經去到唔關佢對個客態度嘅事了，希望佢屋企人同朋友可以關心吓佢同多啲留意佢，驚佢睇唔開～