可憐之人必有可恨之處 對新同事太惡，老細提我溫柔啲唔好太惡🙄 我係幫你手，唔係我本職黎架！ 知唔知佢佔用左我幾多工作時間！？ 佢自己做唔黎，俾人鬧2句頂唔順要辭職，提我溫柔有咩用？ 溫柔佢就會識做同變聰明？ 佢既無能又要拉埋我，咁唔好叫我帶新人 事緣公司有舊同事走，老細堅持請年紀大，學歷工作經驗不拘（但job ad唔係咁寫囉🙄） 最後請左個新人都成50歲（有人介紹），後生既一律唔要，驚人哋做唔長～ 個新人好nice好好，未on board都過咗嚟2個半day唔收錢聽handover 我本身唔係做個邊既業務工作，無接觸咁滯，但老細想我pick up一段時間我都係一齊學點做，大家學既一樣。 新同事未黎前我要幫手做2個星期左右，到佢黎左，我要做兼要教佢做（！？），搞到我成個月完全做唔到自己本身既工作（我都係1man band），依家1man做2band。 難既複雜既我做晒，教既教晒，影印機又要教，咩都講幾次。 （下面繼續）