割一波流量2 另外一個比較雷同嘅例子，當年東方打ABL用三外援+一亞援除咗因為東方扎根咗一段時間外，點解其他外援認受性會比中國球員高？因為佢哋嘗試接觸更多本地球迷同文化，唔理真定假或者係公司PR至少佢哋都有做到出嚟，而我都冇聽過球迷對Eilliot、林泰樂、Moss同張文平有所反感先。 金牛去拍微電影，不如實實在在地搞多啲在地化嘅活動，如果唔係就同偉大嘅李家超特首「Hello HK新機遇」冇新機遇同「新田科技坊」冇科技一樣，有啲嘢唔係淨係口號就可以，而係做實事人哋先會對你有應受性。 金牛確實係有做在地化工作（呀川上去一齊跟操&香港金牛校園巡迴活動），但做得夠唔夠？你搵呀川合作，點解唔嘗試同踢片落嚟香港街場同球迷一齊打吓波拉近距離；香港金牛校園巡迴活動係唔錯唔錯，但點解又剩係得梁兆華同Ricky再加Deguara去做？中國班球員去咗邊？ 金牛其實得兩個辦法 1.縮沙輪出四個香港人 2. 公司幫條搞pr做社會工作連繫返社會同叫班大陸人經營返佢哋自己嘅IG令到球迷覺得佢哋係喺度生活先同大家有連結