講開又講 以下純粹只代表我個人睇法 其實早幾年角蛋白真係被睇少得好緊要 講緊大約6年前左右 連行內都普遍會覺得只要跟step做翹佢就得，毫無技術可言，所以就被視為easy money，上嗰個幾兩個鐘堂就叫學完，然後就可以賺錢！ 教學內容都係教step架咋 所以幾乎只係單純train出一個個盲目背step嘅機器 連自己做緊乜其實都唔知 因為連個老師其實都係機器，冇人教過成件事嘅原理 導致好多人做角蛋白嘅失敗率都好高 好多美睫師都唔敢提供角蛋白服務 因為fail咗都唔知點同客人解釋 又或者只會怪個產品有問題/客人有問題 從來唔會諗其實問題喺美睫師技術度 入行時我用某個brand，初頭用得好地地但後尾真係超級唔穩定，搞到我勁氣餒 咁當時我當然都係一味只怪個產品有問題啦 因為我明明跟住step跟足時間架嘛 就算我每次都開新一盒嚟用，效果都係唔得 我問哂老師同該產品代理，甚至直接email俾個brand 都冇人解答到我問題喺邊，勁無助 後來我恃住自己識少少韓文 就狂睇韓國嘅角蛋白IG 見到啲作品簡直係另一個層次！就好想知點樣先可以做到！於是就膽粗粗DM一位韓國院長話想跟佢上堂 下篇繼續