由Covid之後就對曾經熱愛過嘅旅行無咩感覺，總係覺得： 「呢啲景之前咪係邊到睇過囉…」於是變到好依賴工作，或者感情。但呢一排開始用旅居嘅方式去其他地方生活，發現搵返Covid前嘅嗰種對世界嘅好奇，原來只要出發咗，好多事都等緊你去發現… Covid前一直都好enjoy自己一個，可以自己一個backpack去好多地方。但近呢幾年做啲咩一旦要自己做就唔想做… 尤其是呢一年搬到新嘅城市工作，開始自己住之後，就覺得無獨旅嘅需要，因為平時嘅生活都係自己一個。試過有一排連屋企都唔想返，因為唔識面對自己嘅情緒，一旦自己一個，內心就總會有好多好恐怖嘅諗法。 於是接受唔到自己呢個狀態就開始出發，由最凍嘅紐西蘭，再到依家熱到爆嘅清邁，將生活融入旅行之後，依然要remote工作，仍然係要生活，但心態因為環境而改變左，變得更開放去接受唔同嘅事物。慢慢發現旅行嘅定義對我嚟講唔同左，而係去一個陌生嘅地方探索另一種適合自己嘅生活模式。