Alam ko naman, hindi mo naman ako minahal talaga— na nadala ka lang at gusto lang nang may makikinig at makakasama. Hindi mo naman talaga gusto ang mga yakap ko, sadyang wala ka lang masilungan kung kaya't sa akin ka sumilong at ako ang pinili mo. Wala talagang pag-ibig sa iyo ang bawat kong mga halik: walang kapayapaan, walang pananabik. Sa iyo, isa lamang akong hintayan ng paghilom at kung sino ang babalik.