續上篇（提返大家呢個係6年前嘅經歷） 呢次係我第一次跟韓國老師上堂 心諗學完後就可以做到佢哋咁靚就好興奮！ 結果發覺自己原來真係太睇少角蛋白！ 我就好似一個完全唔識做嘅人一樣，要老師幫好多先搞得掂😭 老師教得好有耐性，但我就對自己好失望，原來我從未認清過呢樣係一個「技術」，真係太無知 不過都令我進入咗新世界，知恥就要近乎勇！從此展開咗進修之旅！ 每跟一位韓國老師，我嘅角蛋白世界又廣闊啲 原來一個普遍都認為係低技術嘅項目，一啲都唔簡單 ！ 每次同人講我又去韓國上堂喇！多數都會問又去？你咪已經做緊/學過囉 ，有咁多嘢學咩？唔係都係嗰啲嘢咋咩？我就話大致上都係，但每個老師都有自己一套，唔係淨係學step，會教理論、手勢等等好多仔細嘢，每次都會有新嘢學到架！ 將唔同老師嘅優點集合，經過自己研究同消化後，我好似都慢慢建立到自己一套喇！睇住自己進步真係好有成功感！ 仲記唔記得上一集提過唔明自己作品點解咁唔穩定？進條後基本上已經知道點解同點解決了！雖然有時都會失手/做得唔夠好，但只要知點解就改進得到！做落都有信心好多！ 之後我又心思思想有啲搞作了… 下回續