Robot Dreams 我諗呢套卡通片引起咁多人嘅共鳴嘅原因 係因為我哋都曾經喺人際關係方面有過劇中角色嘅經歷。 ------劇透------ 因為害怕孤單寂寞，去搵一個人陪自己生活。 曾經對對方做過唔成熟嘅事，冇恰當咁處理雙方嘅關係。 好想維持呢段關係，但係因為現實考慮無法開花結果。 好難得識到一啲志同道合嘅朋友，但係真係可以話走就走。 好希望遇到更好嘅人，但係發現傷害自己嘅人仲有好多。 然後又遇到一個令自己開心嘅人，就算以前曾經有更開心嘅經歷，但係都選擇尊重對方，珍惜眼前人。 ------ 人生入面有啲野值得開心係因為你知道好難得先會遇呢個人；同時你又會因為你失去咗佢傷心好耐。 講到尾所有情緒都係來自於對感情嘅執著，當自己感受得多生離死別，其實冇野係永恆，所有野都有一個限期。只要心裡面感激自己人生嘅其中一個階段幸福過就足夠了。