係一個講完永別嘅朝早，為咗保護自己而強忍淚水，最後決定衝入戲院睇《Robot dreams》係黑暗到喊咗佢。 係開頭不停諗到底我係Dog定Robot 到後來發現我係邊個原來一啲都唔重要，因為離別一定會傷心唔捨得，無論留低定離開嗰個都會。 不停幻想重聚一刻，將回到對方身邊嘅路稱為夢想。時間依然會過，中途會接納新事物，會繼續受傷，可能最後都係會支離破碎。 但請提醒自己， 路總會帶你遇到一個為你重新裝嶔嘅人。 或者有一日會再係街上重遇也好，遇唔到也好，我哋都已經成為更好嘅人，Dog學識保護機械人唔俾佢落水，Robot學識輕輕力拖住對方。或者當你做呢啲嘢嘅時候會心痛，因為係遺憾教識你成為一個更好嘅人，你會flashback你會掛住對方，但只要珍惜彼此曾經擁有過美麗夢境，然後好好同以前道別，就繼續幸福咁生活落去。或者係未來某個夢入面，我哋會再次手拖手過上呢稱我哋嚮往而稱為家嘅日子。