我開呢個脆純粹鍾意記低我嘅工作點滴 講出嚟怕俾人笑 我嘅興趣係返工😂 但同時我又覺得做到一份自己鍾意嘅工係好好運。 尋日第一次做細機嘅Section leader 原來坐呢個位係可以睇晒全格機嘅人，我覺得好得意。 EY 190客Full，40SPML 之前做BC個陣，飛細機嘅crew全部都好Fit, 習慣左用佢哋個套做嘢。 Flying hour 1hr15,仲快過你搭巴士喺港島入馬鞍山 飛機得4個爐，我要分兩轉heat餐。 為咗做得有效率同唔洗客/Crew等，boarding 我已經要開始heat嘢同打爆3隻Full cart。 對餐/對SPML/報CHKS/執Tray/set Full Cart x3/ 換爐/對Spml/greet Member(飛台北好多member) 我做到cabin crew be seated，大汗踏細汗，身體同個腦先可以真正停低。 尋日有個後生仔同事問我，升左係咪冇咁多嘢做😂梗係唔係啦。我直頭有啲同期嘅同事選擇唔升，佢哋覺得一個鐘多個幾十蚊人工要做多咁多嘢好辛苦。 不過之前喺同一個工作崗位太耐，有啲轉變其實都好嘅，順利做完一班機會有滿足感。