人性既考驗 上星期覆完診，我右腳腕舊骨仲未生返 但醫生俾我右腳掂地，得到一對雪靴俾我著 終於可以擺脫只可以的士出入嘅昂貴交通費 迎來每次出街都會有人性嘅測試 因為我要一星期做兩次物理治療 同埋有啲私務都需要新界九龍兩邊走 每一次都需要坐巴士同地鐵出入 不得不承認香港對傷殘人士嘅照顧真係好好 只得少數地方無升降機同無巴士坐 基本上我每次外出都會提早規劃好路線 盡量將需要行嘅路都縮到最短 經歷一個星期坐交通工具經驗， 我老婆由相信人會讓座呢樣野 到我帶佢見識啲人點對傷殘人士後既失望 奉勸大家一句唔好挑戰香港人嘅人性 喺2015年，我已經睇化咗呢方面嘅野 當年我意外受傷，右腳骨裂打咗石膏 當時我喺尖沙咀排隊坐巴士返觀塘 上車後，我望一望車廂位置坐滿晒人 而車廂企位仲喺空蕩蕩，於是我行到坐位前 我問坐喺度嘅人 「唔好意思，請問可唔可以讓座俾我」 最後得到嘅回應係 「你咁後生（當年20幾），我老人家唔企得呀」 「你咁大隻，打咗石膏都企到啦」 「我喺觀塘落呀，到時讓俾你」 「整親腳仲出街，一定有位俾你坐呀」 以上說話由20幾歲至50幾歲嘅人講出嚟 聽完呢堆說話之後，我忍痛企到觀塘 待續…