唔知有冇人明 最近我發現自己好似對所有嘢都麻木咗 冇咗情緒 唔講工作方面住 講日常生活 溫哥華屋企個管理員好撚懶 打電話唔聽email唔覆 急起上嚟搵佢只可以喺樓下等佢 見到佢仲要好口好面咁樣問佢How are you 請幫我處理呢樣嘢 前排我用咗好多錢買咗個package結果寄失咗。當我知道呢件事嘅時候，我只係平靜地accepted，然後準備買多一次用第二個方法寄。 我本身係一個好貪靚 會買貴衣物嘅人，香港既屋企人同我講佢哋將我好珍重嘅衣物亂咁洗變咗色，當佢地擔心我唔開心嘅時候，我只係問咗佢哋邊啲變咗色，我去買返。（依家出尼住嘅好處就係唔會再有人掂我嘅野） 再者一日內，我唔單止冇咗架車，仲冇咗穩定收入，但我完全冇感覺，反而係身邊嘅人仲擔心多過我。 返香港時同我身邊香港啲朋友分享： 當我一個人一日內要處理好多個問題嘅時候，你只會重點擺咗喺搵解決方法而冇咗個情緒。（依家係涉及到感情嘅嘢 先會唔開心同喊 而且用錢解決到嘅問題都唔係問題，因為大把係用錢解決唔到嘅問題你都仲處理緊。 我懷疑自己究竟係真係對好多嘢麻木咗 定係只係另一成長必經階段 唔知我呢段鳩噏有冇人明