《好公司不如好上司》下 佢平時一定係朝早10:30就到，然後最後一個走。一個星期都有一次收工叫成班同事萬歲宵夜。 我一如既往地返10點，有一日見11點都未見到佢，打極電話都無人聽，覺得奇怪，因為佢從來都唔會請假同埋遲到。問過其他同事仲話琴晚去宵夜都好地地㗎，食到點零兩點大家就散咗返屋企。 咁照常開lunch，可能tea time佢會返黎。個lunch岩岩入晒客，我果時個阿姐收線喊住同我講大佬走左。我呆撚左，WTF how did it happen is it a joke? 阿姐話not a joke, 佢食完宵夜之後返到屋企瞓着咗就冇醒返。我個頭好似爆撚左一片空白，行左去廚房叫男朋友去後邊講兩句，我喊左好耐個心好痛。 全日大家都極度愁眉苦臉，經常轉身抹眼淚。我地好多出嚟做嘢冇耐，做野一開始都唔係特別上心，係佢令到我哋有返晒熱誠，要大佬為我哋自豪；無左佢做野好似無晒意義，之後全部人就入左哩個新請大佬們係垃圾，2佬重未唔夠班，金國人自己落手既人間地獄。 之後好多年夜闌人靜嘅時候，我會諗如果林保怡大佬無過身，我既人生會唔會唔同？我會唔會唔轉行？我會唔會早幾年唔使做迷途羔羊？