啲媽媽朋友同我講話產後情緒會好低落 佢哋提我話唔緊要架，係荷爾蒙影響 話過多兩個月就會無事 我當時心諗，有個神隊友老公 雖然工人姐姐未到，不過我媽成日過嚟幫手 我放假又放得耐，應該無乜嘢嘅 剛生完都真係無事，攰但心情依然幾靚 到一個月後愈來愈emotional 例如BB好醒瞓，少少聲就醒就喊，要人抱 我成日諗我到底邊個step做錯 搞到佢瞓得咁差，咁依賴人抱 好驚佢瞓得唔夠影響發育 然後餵人奶好辛苦，好想放棄 但又覺得係咪我只顧自己舒服太自私 總之就幾百樣嘢擔心 人哋話BB百日哭，其實阿媽都一樣 但當你見到佢笑，聽到佢啲好得意嘅 e e丫丫 又覺得其實都唔係咁辛苦姐，其實頂得到喎 各位媽媽，一百日後係咪真係會好啲🥹？ 育兒日常