人性既考驗 - 2 經歷咗上一篇嘅經歷後 當有人有需要嘅時候並向別人尋求伸出援手時 我會喺我有能力範圍內做到嘅嘢，我都會做 的而且確唔可以將呢套助人嘅價值觀代入香港人 得到上一篇車廂嘅人的回應亦無可厚非 亦有人將自己代入事件嘅其中一員亦不為意 所以我先講早喺2015年已睇化呢啲嘢 各交通工具相繼喺近年增設優先座設施 希望為有需要嘅人得到適切嘅照顧 最後得出嘅效果亦喺唔同嘅影片平台反映出嚟 有啲人恃老賣老惡言相向要求讓位 有啲人以我都有俾錢，憑咩讓座俾你 有啲人見年輕人坐優先座就拍片放上網攻擊年輕人 優先座概念係好，可惜人心不足蛇吞象 上回提到老婆對香港人大愛由有信心變失望 其實我每次同佢講我搭交通工具就預咗企足全程 要舒服就應該坐的士，可惜我唔係大富人家 事源喺星期一，我地一齊搭港鐵由紅磡返北區 我哋兩人企喺優先座車廂外等車，當車到時 優先座座位亦無人，我老婆就講 「嗱，呢啲位多數俾有需要嘅人坐架」 當車門打開，我慢慢行入車廂時 我後面兩位年輕人隨即沖上優先座坐低 望一望我後，就低頭玩電話，然後我冷笑一下 「嗱，唔好咁老定，我都係傷殘啫，佢地可能其他地方傷殘過我呢，算喇」