趁搭緊車去京都有啲時間 幫琴晚間日本網吧評下分 房間 4.5/5 上佢網站睇到啲普通房都偏細 一個人瞓低都冇乜位剩 點知我去嗰間全部都係VIP房 Size大過普通房一倍有多 懶人凳勁c fuk 可能純粹因為我未坐過 地下軟墊（床） 同國宿床褥差唔多 不過不失啦 乾淨程度就正正常常 間房都冇咩異味 而隔音係出乎意料勁好 間房播緊片一閂咗門已經聽唔到 都聽唔到隔籬房嘅聲（可能冇人 最嘈係部冷氣 但係其實同我自己間房差唔多 雪糕嘢飲放題 3/5 2分比個雲呢拿雪糕 1分係因為放題 試咗幾樣嘢飲都淡過水 0分！ 沖涼房 3.5/5 乾淨過國宿好多 水漬都冇 不過好似係因為啱啱清潔完lol 有洗頭水沖涼液 但係冇毛巾（雖然有都唔會用 係個風筒勁嘈扣咗啲分 廁所 3/5 正常乾淨 但係唔喺我嗰層 扣分！ 漫畫區 4/5 新款舊款乜都有勁多 睇得明日文應該好正 好似仲有其他分店會有埋桌球飛鏢機 我去呢間好似主要係唱K嘅 但係成晚都唔見有人唱 最後價錢方面 我因為唔想咁趕 揀咗12個鐘plan埋單大概$250 有個夜晚8個鐘優惠plan先$130勁抵