我知道世界上唔會有如果 我想講 我希望聽到父母可以省下我幾句，Roast 下我，笑下自己生活有幾褦襶幾大頭蝦，話我個頭慶幸係連住自己條頸嘅笑話 我希望可以同老豆一齊去酒吧Lounge 飲酒食雪茄，睇吓英超西甲，下晝睇吓賽馬 我希望可以同媽咪去學跳社交舞，陪佢同佢啲朋友打麻雀，我做斟茶遞水買雲吞麵哥個，服侍下佢 呢啲嘢，可能別人係微不足道，對我嚟講，若果時光倒流，我一定會做好做滿做到位，可惜嘅係，呢個係我嘅憾事。 七年啦，我應承咗兩位老人家嘅嘢，我冇漏做，但係我總覺得未夠，我會加油㗎。