咁多人講，我又講吓我嘅英國生活🙂 嚟緊八月就到埗兩年 基本上都叫適應晒 唔知係咪仲蜜月期 95%嘅生活都叫做無投訴 或者因為我哋叫做傳說中嘅easy mode 夫婦二人無細路 / 3字尾／出發前賣到樓／父母留港仲有兄弟姊妹照顧／積蓄唔多但叫做夠撞板用／英文正常程度夠溝通／自問有common sense唔係伸手黨／能各自獨立在異地生活 本身以為呢個package應該勉強夠用，到埗之後先知道雖然比上係不足，但比下真係已經綽綽有餘。 我哋都會羨慕人哋一到埗就買幾間大屋收租躺平，或者一嚟就有晒network幫手舖橋搭路，或者一個月去幾次旅行，到埗一年行晒全英半歐，或者個個weekend有鄰居一齊開心gathering，同同事happy hour之類。 呢啲我哋全部通通都無😂 但到咗之後先知原來好多人嚟到兩三個月已經燒晒老本，自身屋企／語言／能力／地區／工作等等問題唔如意，天氣／鄰居／食物／消費／娛樂／感情等等轉變唔習慣… 真係好多好多… 聽多咗睇咗咗之後，雖然我哋無金手指，但非常感恩我哋唔使由地獄mode開始打大佬🙏 希望可以散播一下正能量，散播歡樂散播愛。 英國生活