關於老師 (一） 越嚟越多人想做老師，我會問點解。大多數都係會答因為高人工，夠穩定。但呢份工背後更多嘅係要記住4個自字（先講自信同自大）& 唔怕蝕底嘅心態。做唔到嘅話就算攞到個牌都未必有教席，一in便知龍與鳳。 要對自己有自信，我知道呢刻有好多人係因為DSE失意，所以就覺得入教大冇ulife & 同啲三大比一定比唔過。但其實如果你真係想做老師嘅話有牌已經好好㗎啦。反而要做嘅係時刻提醒自己：你做得好好㗎啦，你好叻㗎啦。你未入行要見工，如果個校長同panel見到你講嘢都冇乜自信，點樣放心俾你教班學生。 但有自信都切記唔好自大！有啲人會覺得自己三大畢業就好大bargaining power，覺得自己好優越，比身邊同事都叻(成日都覺得真係叻嘅人又點會時刻show off😂)。 見過有個人成日都話自己數學5**，而家有三間中學Offer，長期喺個group度曬命，散播恐慌，真係唔知咩心態😁現實中都遇過呢啲人，當然做咗一年就唔續佢約。咁嘅人，只會俾人感覺功高蓋主+自我中心。永遠抱住我叻過人嘅心態係唔會成功。有時老師係有power，但唔代表你唔需要時刻學習，無論係向同事、上司，甚至係學生。