姜糖從來支持姜濤都係義無反顧、無條件咁付出都係一心為咗姜濤好，希望姜濤開心。果種團結既力量真係我所見過最強大既一群，我都好慶幸係當中嘅一份子。 呢排見到好多post，無論嗰啲係真糖定假糖，當然我覺得係假嘅多，請大家真係要靜心去睇，唔好咁輕易相信又或者俾人引出嚟作出反應。 阿姜成日話出道到而家都要提醒自己保持初心，而當中既過程同現實都係有拉扯，其實我地糖都一樣，見到咁多流言蜚語、假新聞我地自己既內心都有拉扯過，但係好希望大家記得自己支持姜濤嘅初心又係啲咩野。 姜糖真係好團結，好似今年生日會咁，糖真係風雨不改一條心咁支持姜濤，見到糖既強大就會有人想分化、想姜糖互相謾罵、互相唔信任從而影響亞姜，所以大家要記得自己既初心係想姜濤開心、想佢安心做好自己表演同作品。 姜濤善良、有廣闊嘅胸襟、佢嘅視野同堅持令人欣賞，我覺得鍾意姜濤嘅人某程度上都會有姜嘅特質先會咁鍾意佢，所以希望大家繼續保持最真誠嘅心，同時亦都要冷靜、客觀咁去分析，唔好咁容易中計或者動怒，畢竟我哋都係代表着姜濤，真係專注番响亞姜既身上，大家要互相信任，等於阿姜信任我哋一樣。