見好多人懷《情書》嘅舊，我都湊吓熱鬧。 初初完全係因為中山美穗，細細個睇《天生一對》同《偶像媽咪》已經覺得呢個姐姐勁靚、又cute，但嗰時資訊唔係咁流通，再睇佢嘅劇已經去到1995年喺有線播嘅《For You》，見番中山美穗係覺得點解無以前咁靚嘅🤔（主要係個短髮造型，96年《美味關係》留番中長度髮型即刻靚到癲咗😍），但亦無阻我走去睇《情書》嘅決心。 睇完《情書》之後當然係喊苦喊忽，但我覺得佢對我最大嘅後勁係認識咗岩井俊二，之後唔記得係影藝定電影中心攪咗個岩井俊二展，睇晒《煙花》《夢旅人》《愛的綑綁》，前兩套非常有趣（#觀月阿里莎 😂 ），之後嘅《燕尾蝶》都鍾意。 幾年後韓片《八月照相館》用「韓版情書」做招徠，成為我人生中唯一一套主動走入戲院睇嘅韓戲，又係… 淡淡然但喊到黐咗線。 （原來有字數限制，留言續）