有時覺得搭飛機嘅隔離鄰舍係最熟悉親密嘅陌生人！！！(尤其係長途機) 例如會見證到訓到成隻豬、油頭粉面嘅真實面貌。(Sorry全部都係我🙂‍↕️) 今次搭飛機嘅時候偷聽到隔離couple叔叔好想食yoghurt，因為request咗特別餐嘅佢無。因為我食唔哂個餐就分享咗我個yoghurt俾佢。佢哋好開心咁同我講翻本身因為佢地唔食牛肉，所以就雪糕yoghurt呢啲dairy product就無提供。但其實叔叔超級鐘意食雪糕！！！有啲慘又好可愛，提議佢哋落機買個家庭裝食返夠本🍨🍦🍧 而佢哋都好照顧坐窗口位嘅我要唔要去廁所而係咁問我同叫我去，因為覺得坐窗口位好辛苦。 但其實題外話我係幾享受坐窗口位嘅人。撇除要出去麻煩啲之外，我會有種望到窗外環境嘅安全感、訓覺嘅時候有牆挨住會覺得自己座位嘅空間多咗、去一個地方又可以有種率先睇到呢個城市景概覽嘅感覺🌉 最後結論都係搭飛機happy neighbour happy journey💖