Total waste of my time. 好耐冇試過睇戲中途想走 可以話除咗消費情懷外乏善可陳。 已經唔算Marvel fans但覺得呢套真係仲垃圾過雷神4同Doctor Strange 2 人哋劇情唔深刻但個故事都算可以自圓其說 呢套戲啲角色唔止係刻劃唔夠深 而係全部冇腦 冇思考 冇靈魂 呢頭打生打死轉個頭frd過打band 呢頭大徹大悟轉個頭又想毀滅世界 每一個角色都完全係劇情推動機器 但連機器都冇機器應有嘅logic 完全編劇想點就點 當啲觀眾白痴 夾硬起承轉合 仲膠過TVB 睇到一頭霧水 啲笑位又係 講粗口有咩好笑姐 套戲成日好似夾硬整啲笑位出嚟 又掌控唔好節奏 攪到有啲位一開始幾有趣 但佢玩咁耐又重重覆覆出現 最尾直頭攪到有啲尷 仲有一大部份都係fans service式inside joke 完全唔識笑 對唔住我真係唔熟x men 但套戲本身作為一套電影已經完全唔合格 再多嘅情懷加乘都係假 作為一套爆谷片 又唔係打得好睇 佢哋打交已經冇乜花臣 嚟嚟去去噴血斷肢睇咁耐都悶㗎 唔係肯落茄汁就叫暴力美學㗎 啲大場面仲要係遠景睇一大班人打嚟打去 亂到九彩