當刻的感覺，除咗「活大半生還是很失敗」，想「搵窿捐」，有想過自殺但又冇勇氣，好重無力感，日日都唞唔到氣；返暑期工當值果陣，當年返誠品pop-up store，日日企喺個希慎個中庭都喊；有時候自己一個人獨處都會。當時偶然都有同學聚會，但我全部推哂，因為唔知點面對。需要明白，作為一個名校生，「企得越高，跌得越痛」。 因為覺得重考冇撚用，十鳩幾年磨一劍都冇撚用，再試都唔會得；所以我就好似許賢咁，大學幾年報復式讀書；雖然GPA唔錯，但都係改變唔到命運… 其實，公開試嘅陰影都而家都仲有；提起考試都會有點陰影，例如之前考車，獲獲都俾師傅屌，所有無力感返哂黎，都係好唔開心。只係好彩遇到個好人考官，令我當日超有信心，培正道放學時段一take pass, 某程度上是命運🙂有時候做錯野被老細鬧，又或者自己好低落果陣，有時候都會諗起呢段說話。 戲嘅尾段，許賢一把火燒左本中大小冊子，dum哂所有econ notes, 希望自己可以放下。雖然我比佢更早dum哂D野，不過要真正可以放下，對我而言，仍然有好長嘅路。 估唔到，當日考作文唔識解「心結」兩個字，結果成為咗自己人生最大嘅心結。🙃