marrakech day4 一起身就食左成個trip最平嘅一餐 $40hkd嘅pizza你又食過未 極速食完然後去咗ysl博物館 原來ysl本人好鍾意摩洛哥 係果度買左間度假屋 依家仲要葬左係果度 不過諗返個博物館其實都少random 無啦啦有啲摩洛哥衣著歷史 有ysl啲早期創作 有仙人掌展覽 係幾特別嘅啲奇怪仙人掌😀 之後叫左班仔drop off我地係傳統市集 因為佢哋見到有隻錶想買話要去賭場贏隻錶番黎😅fyi最後輸左幾百歐 err個市集啲野冇我想像中咁平 所以講價講到好攰 仲有周街嘅人見到你就會講nihao/arigato 啲nihao真係太撚煩所以我講左邊個問我係唔係香港人就即刻幫襯佢 點撚知 真係俾我地遇到一個睇得出我地係香港人嘅叔叔 仲要佢賣緊嘅絲巾咁啱係我地想買嘅嘢 每人一條pashmina get✅ 夜晚試左駱駝肉 係一個好蘇好un好難食嘅肉 亦都見識咗夜市嘅熱鬧同混亂 班仔未賭完錢我地三個女仔又唔夠膽搭的士 最後行左45分鐘番airbnb 好撚驚 條街好黑 好彩冇事🙏🏻 摩洛哥整體平價 好熱 啲人齋呃錢唔搶劫 當地菜選擇不多 周街都係流浪貓 再去就要去撒哈拉