英國返工 Part 2 第二次返公司係induction，八點開始。 因為窮，我今次坐大巴，官方話需時2.5hr，但勝在平啊…！來回都只係£11 ！平嘅代價係，0500am上車🙃 (無計，一個鐘一班) 好彩九月嘅五點已經天光🙏 雖然阿姐之前已經講咗三點零就好放工，但我淆底所以回程車飛都係買咗五半走🙃 咁official 放工時間五點，唔想有把抦喺人手上好合理。 唔知好唔好彩，早到大巴站司機畀我早上一班車，暗爽咗一下發現，四半離開倫敦係會大塞車嘅…最後坐咗4個鐘回家，落車時見到原本班車喺下個路口準備埋站。🙃 之後幾個月每月只係返咗公司一次。眼見返公司次數開始疏落，同埋12月九點都未天光晒，一月開始放棄咗£10來回坐五個鐘嘅大巴，改坐£40來回三個鐘嘅火車。 其實八點鐘火車站落車，試過行50min返公司，又試過坐tube，個感覺係好香港 (公司喺Zone1)。放工通常都會行落火車站，行公園真係好舒服。 然後到24年嘅今日，我對上一次返office已經係 23年嘅 6月中，我嘅hybrid mode，已經變咗100% remote 。🙃