（利申無圖）最近屋企經常出現蟑螂，觀察咗一排，我整合咗少少佢哋嘅習慣。 1. 有學習能力：假如喺某個位置解決咗一隻蟑螂，之後唔會喺同一位置見到佢同類，最起碼嗰一代都唔會喺附近出沒。 2. 唔走入死胡同：逃跑時，無論幾咁慌不擇路都好，都唔會走入冇另一個出口嘅地方（例如水煲、垃圾筒等）。唔會好似人類咁匿喺山洞，等怪獸離開。 3. 會進化：搬咗巢穴之後，隔幾代嘅新蟑螂會變保護色（例如鞋櫃淺啡色，當地品種就係淺啡色；飯枱黑色，當地品種都會深色啲）。 4. 觀察力強：由於本人每次都係用長兵器解決蟑螂，久而久之，佢哋會知道我望緊佢，再趁我行去拎武器時逃走。 結論：蟑螂>>>>>>>>>>>>>>我（處於死胡同中）