想講我好似係泰國撞到「朋友仔」1 —— 係芭堤雅嘅第一晚啱啱入住嗰間酒店嘅時候個人已經係咁起雞皮同暈暈地，總之就係覺得好唔舒服。但因為唔想同行嘅朋友因為咁樣而驚同埋我覺得可能係自己太攰，所以我冇提出換房。咁嗰間房分開咗兩間睡房，一間細房就係遠離廁所嘅位置，另一間大房就係喺廁所嘅隔離。大房同廁所中間得一塊磨砂玻璃隔開，但如果有人喺入邊其實都可以隱約睇到個人影。咁我哋嗰日就包剪揼贏咗，我同我女朋友就揀咗間大房。我就正正訓喺近磨砂玻璃嗰一邊。 咁我哋揀完房放好啲嘢就訓低休息下。但係喺我哋休息嘅期間，我眼尾好似望到係磨砂玻璃處好似有個黑影有頭有身。但我嗰一刻只係覺得我自己眼錯就冇理到佢，然後我哋就訓咗。 第二日，嗰日我哋嘅行程係去格蘭島。咁其實嗰一日開始，大家都好似好唔順咁樣，我朋友跌花咗部電話，本身15分鐘嘅船程但架船四圍兜兜咗成個鐘。 但最後我哋都成功登𡷊。咁一上到格蘭島之後一而再再而三出現好多阻滯暗示我哋唔好掂電單車，例如我哋借唔到電單車、我女朋友俾電單車尾喉辣親隻腳、我哋揸水上電單車又冇油又跌落水。但我哋都冇向嗰方面諗。玩完水後，我就炒車了。字太多唔俾我出 下個post再講