Ex第一枝紅旗🚩 一開頭我哋雙方都同意咗一齊耐啲穩定啲先公開，嗰陣一齊咗四個月，我哋終於公開。 當時情況係一大班fd有男有女，有個女仔無啦啦問我個ex：「一齊嗰陣同上一任係散咗嘅。。。？」，我完全唔get佢講咩，然後我個ex答佢我哋一齊之前一個月散咗。 我當堂係十萬個黑人問號？？？？一齊咗四個月我都唔知佢同佢嘅ex係幾時散，同埋我哋都曖昧咗一兩個月先正式一齊，即係以前我同佢曖昧嗰陣佢係有女朋友嘅？？？ 嗰晚我忍唔住開佢電話嚟睇，發現佢同ex係同我一齊之前10日先散嘅，一直以嚟佢都唔肯講佢同佢ex嘅嘢，所以我冇仔細考究過佢同佢ex幾時一齊幾時散。 諗返起曖昧嘅時候有見過佢bio有情侶emoji，我問佢係咩嚟嘅佢唔肯講，我以為係放唔低ex所以冇del到，而家諗返先知原來係根本未散🤭🤭🤭 仲有一個 point係呢樣嘢唔係個女仔fd問起我都唔會知，即係連一個普通朋友知道嘅嘢都比當時作為女朋友嘅我多。。。