麻木嘅實際表現，應該就係沉默。 冇咗動力去捉住生活入面轉瞬即逝嘅感覺，所有嘢都變到好似流水咁，輕飄飄咁喺指縫間經過又流走。唔想講嘢，唔想寫字，唔想表達自己。 偶爾會覺得好多引致煩躁嘅源頭都係重覆又重覆，一樣嘅事，發生好多好多次。到某個位嘅時候就會忍唔住檢討自己，其實係咪自己嘅問題。點樣先可以判斷，自己提出嘅意願，係咪一個過分又任性嘅要求。