霎眼間到來已兩個多星期，六號更飛到倫敦過我此行突如其來的一個長假期，最遲可以27/7才回去，足足三個星期都唔知點安排，暫預計逗留在倫敦多少少時間再過曼徹斯特，到時再諗會唔會有下一站。 20號過到嚟之後，兩星期話咁快就過去，跟姨丈買貨備貨，幫幫手又一日。唔怕獨嘅我沒有什麼適應上嘅問題，反而有新學習機會更令我充滿新鮮感和動力。而暫時出現在身邊的都是同聲同氣的人，就連教我嘢嘅泰國人也能用廣東話溝通，有助我過渡生活。呢度正值日長夜短，朝早五點左右就天光、晚上十點後才緩緩入黑，做完一日嘢仍日光日白。兩星期沒掂手球，卻有每星期一次的網球聯誼，算是有得運動吓…