想講我好似係泰國撞到「朋友仔」4 —— 第三日，呢一日係我哋最後一日會訓喺芭堤雅。咁朝早我就同朋友一齊落去食早餐，之後去洗傷口就上返酒店房。咁嗰日唔知係邊個frd開咗我間房嘅窗簾，所以間房入面好光猛，完全唔會有好陰濕嘅感覺。嗰日嘅朝早同下晝都冇乜事發生。去到夜晚訓教前，我有個朋友就想入嚟用直髮夾夾一夾啲頭髮（我都唔知點解佢夜麻麻先嚟夾頭髮🤣）咁佢就將直髮夾插係我床頭則邊（啫係廁所同我張床中間）嘅插蘇位到。但好奇怪嘅係，個直髮夾係完全用唔到，但我差手機電又可以正常差到電。咁我哋就以為係個直髮夾壞咗，但佢行返去自己房，用自己房嘅插蘇位又可以用到隻直髮夾。但呢啲少事我哋都不以為然。咁我哋傾咗一陣計，佢哋同我分享咗嗰日佢哋去咗邊，玩咗乜之後我哋就訓教啦。咁訓訓下，個冷氣突然間熄咗！當刻我以為係啲正常電路問題/跳制加上我女朋友話可能係我哋頭先開咗露台個窗門，所以我哋就冇理到佢，開返就繼續訓。但嗰晚，我訓得極度唔安樂。一，我聽到好多唔到嘅聲，例如：敲鐵通嘅聲，滴水聲，出面有人行嘅聲等等。二，我全晚都feel到有人望住我。雖然唔知係咪心理作用，但我真係好明確感覺到有人望緊我。 字數限制🚫