想講我好似係泰國撞到「朋友仔」5（泰國完結篇） 有冇人想睇埋返到香港嘅後續 —— 我嗰下覺得有人望緊我。咁本身我都係對呢啲嘢敏感嘅人，但嗰下我冇起雞皮又冇頭痛。所以就以為係自己feel錯。（其實係安慰緊自己）咁我就同上一日一樣，大被冚過頭，睇唔到當冇。之後因為我食咗藥，真係好攰好攰，所以我就訓着咗。 第四日，呢一日我哋終於離開芭堤雅。咁我哋就叫酒店幫手call咗架車，準備返曼谷。架車未離開芭堤雅嘅時候，我個心一直都唔知係到擔心緊啲乜，總之就係個心好唔舒服。直到我見到有塊牌寫住我哋係曼谷我個心先定咗落嚟。返到曼谷之後，雖然間酒店細又唔靚，但卻係我咁多日住得最安穩嘅酒店。咁返到曼谷，我先記返起要同我朋友講係芭堤雅酒店嘅經歷。但因為唔想嚇到大家，所以我喺最後補多咗一句，可能係我睇錯。咁我哋係曼谷就好正常，乜事都冇。過多咗幾日，我哋就返咗嚟香港。飛機一落地嘅時候，我覺得個人一身都輕曬。 之後我就即刻去洗咗傷口先。（題外話，想講泰國洗傷口都幾求其，我返到香港，啲姑娘喺我傷口到仲可以夾到有沙出嚟）咁洗完傷口，我同我女朋友就開始傾係芭堤雅嘅經歷。咁傾傾下我哋就上網揾撞鬼嘅徵兆…（好撚恐怖） 字數限制