之前講咗，離線地圖的重要性，現在分享一下，我現在用的兩個行山app - AllTrails & Map out 簡單好似獅子山，都有唔同路可以上頂，當中有熱門多人行，都有唔少係冷門比較挑戰性，如果第一次上山，唔小心轉錯入挑戰性路線，可能會有危險，加上路線長度、攀升幅度都直接影響你要準備咩裝備，所以上山之前，一定要做好路線規劃！ 現在我通常會先喺AllTrails搵咗路線資料先，呢個app係提供世界各地行山路線，每條路線都會有清楚列明長度、攀升和路況，大約需要時間，並有提供相片打卡位，仲有列出山友評語等等，但唔好處就係無得download 離線地圖，除非俾錢；我窮，唯有喺MapOut 重新畫過條一樣嘅路線，之後再load 入手錶導航，雖然咁做有啲煩複，但會加深了解條路線。 用手機導航，雖然會清楚好多，但會好快無電，所以我通常用手錶導航，當我偏離路線時或者喺分岔口，咁我先會喺map out睇吓自己位置，有呢雙重保障， 雖然行錯，但通常唔會偏離太遠，只需要沿路掉頭，好快會搵番啱條路啦！