「沖繩撞👻之旅」 3 咁點解我會入左朋友A同Y間房呢？其實我同T返房後，佢就戴晒耳塞眼罩瞓覺，我就同我男朋友whatsapp text msg同佢講我驚，同埋分享A沖涼時個反應有啲唔尋常，佢就叫我影room tour比佢睇（我bf睇到👻的）而T第二日要揸車我費事嘈佢，所以我就搵A同Y陪我壯膽去影Room tour。 Send左條片比我bf後，我就打比佢問佢有冇見到啲咩，我bf一開始都冇答，突然A講：「其實頭先沖涼前我喺走廊執篋嘅時候聽到落去餐廳條樓梯有把女人聲…」跟住我bf：「乜你都知係女人呀。」聽到呢到我地3個心知不妙，本來想叫bf講多啲確實見到咩，但佢唔肯講，佢叫我地今晚搵定酒店聽日轉。 收線後，我就有啲急尿，於是3人鼓起勇氣去廁所，返入房之後，A個樣面青青，有啲欲言又止咁，我地就問咩事，A答：「我頭先見到條樓梯凸咗半個人頭出黎，係有頭髮…」我地嚇到痴撚左線，即刻搵酒店book，同時又分散吓注意力。搵緊嗰時我地3個有幾秒靜左，就係呢個時候！Y突然問：「聽唔聽出面有聲？」A點頭再問：「係咪女人講左兩句日文？」Y：「係。」 再續…