都係四強，都係換走哈利簡尼。 歐聯換走佢，杜曹做咗千古罪人。 歐國盃換走佢，修夫基成為戰術大師。 而喺呢兩場波換走哈利簡尼嗰一分鐘，全世界都鬧呢兩領隊唔識波，點會換走頭號球星及射手？ 而最後，成王敗寇。 你贏，你做嘅決定幾唔合邏輯，都係道理；你輸，你跟足程序去做，都係垃圾。 講到尾，足球都係用結果說明一切。 我哋真係知球員訓練嘅好壞？真係知佢哋心理狀態喺點？真係知更衣室氛圍？ 坐喺冷氣房食住杯麵嘅你，都係繼續打winning算啦。