話說其實我好少翻睇試當真嘅片 絕大部分都係睇一次 (甚至有啲重要嘅片冇睇過…唔敢講係邊啲) 主要係自己問題，唔太關啲片好唔好睇事 (擔心變千字文，有機會再講） 身為一個懶惰嘅fo毛 平時連CLS都極少，極其量係比個like 然後今次公開試當真上映 唔知點解有種使命感 要努力讓人地嘅努力被看見 (雖然我睇咗3次但一篇影評都未打過…） 好想令一直以來被唔理解嘅試當真被理解 其實我本身唔係想講上面堆嘢 我係想講 最近可能周圍like得太多公開試當真嘅po YouTube開始狂派以前啲片比我 然後今日睇番channel需要搬 本身係諗住輕輕鬆鬆睇開心片 然後睇睇下睇到喊咗 原來好多嘢都係由呢條片開始/有提過 例如許賢嘅足球隊、修ca未一齊之前、locker er9 on9仔傳承、風水豪、NTR… 我冇諗過原來條片承載咗咁多嘢 有一幕豪哥好擔心咁不斷咁搵許賢 最後發現原來許賢番咗舊studio 豪哥靜靜咁聽住許賢講嘢 然後諗起公開試當真有一幕 豪哥好開心咁話再陪許賢放榜 仲有許賢話豪哥陪住佢人生每個moment…… 好多嘢想講但講唔哂 只係希望 真誠嘅人可以得到真誠嘅對待同支持