最近睇咗一啲山難拯救人員去搜尋行山失蹤人士，當中有成功找回生還者，但有更多是找到時已經離世。 令我最難忘的是，拯救人員在搜索過程時，不停說千萬唔可以沿河落山，這是大錯特錯的，好可惜的是，遇難者屍體真的大多在山澗找回！ 拯救人員解釋，沿河山路通常十分陡峭和濕滑，容易失足跌傷，加上沿河位通常係手機訊號黑點，求救無門，跟住失救至死。 所以當在山中迷路時，又沒有預先download 離線地圖，又發覺手機無訊號，仲要天氣開始昏暗，人亦開始疲累，咁應該點做好呢？ - 如果天氣還好，就乾脆留喺原地好好休息，過咗一晚等天光，才嘗試搵路落山。因為好多時偏離位置其實同原本路線不會偏差太遠，所以喺日間有足夠光線，加上有較多人行山，會比較容易找到出路或者求救。 - 留意一個人無水無食物情況下，係可以撐到一個星期，但連續失溫3個小時，就已經可以收工了，所以保溫非常重要‼️如果不幸迷路又遇上落雨，一定要找個位置可以遮風擋雨，穿上防水風褸，盡量保持體溫，留在一個可以避雨位置好好休息，因為雨夜中在山林裡胡亂找路更是危險‼️ 希望呢啲資料你用唔著