「沖繩撞👻之旅」 5 我地嗰朝就急急腳pack嘢轉酒店，上車後A叫我比多次room tour片佢睇，佢突然問我：「見唔見到浴缸有對腳？」但我睇唔到。另外佢講返其實佢下晝去廁所時feel到有人摸佢個頭一下，不過因為怕嚇親我哋而冇話我哋知。 之後我就叫我bf講返究竟佢喺Room tour條片見到啲咩。 Bf:「首先就有一位女性，扎住個高髻，白色面，眼細嘴細，好似日本藝妓，著紅色和服，腰間有條白色長腰帶，應該就係Y見到嘅白色影嚟，而佢喺客廳上空，閣樓對出位置飄緊。而另一個就係喺廁所個浴缸，有個光頭佬坐喺個浴缸疑似做緊沖涼擦背嘅動作。」 佢講到呢度我地全部人起晒雞皮，首先，佢match左A見到浴缸有「朋友仔」呢點！其次就即係話我地沖涼嘅時候係有個光頭佬望住我地沖涼！亦都唔怪之得入去沖涼咁唔舒服！另外都真係有個女士存在喺同一空間所以我哋會聽到有女人聲講日文！ 再細心諗，A見到半個有頭髮嘅頭同埋嗰2個企房門嘅男人又邊度黎？我哋相信係樓下餐廳有更多嘅朋友喺半夜上嚟遊走。 完！多謝大家😆 最後喺上個post見人問關於結界嘅嘢，如果想知多啲就下面LM！睇下可唔可以集氣叫到我男朋友出嚟講！🤣