就算經過咗幾十年，經歷過幾多段感情，人與人嘅關係仍然會令我驚訝。 千祈唔好高估你同任何人嘅關係。係，有時人同人之間可以共患難，好堅固，但更多時係一早知道嘅脆弱不堪。 曾經如此親密嘅人，下一秒就形同陌路，而就算試過好多次，每一次都仍然好似第一次咁，有種控制唔到嘅失落。 唯有相信人性之餘，亦唔好相信人性，尤其網絡世界。例如IG、Threads嘅留言，好壞都唔使放上心，啱聽嘅，拎少少體溫就算，唔係交心呀；屌你嘅，當俾個機會自己反省，發現屌得啱嘅咪多謝佢囉，唔啱嘅，證明層次唔同。唔通啲球迷屌9美斯唔識踢波，美斯會同佢澄清自己拎過世界盃咩。 跟住要學識分辨好壞，再跟住，要學識獨處而唔孤獨。無太多關係，就無咁多塵埃，白茫茫一片大地真乾淨。