記起某次深夜與友人傾計，其中一位冇講嘢好耐，默默長嘆氣然後凝重咁話：「唉，好想死一死⋯」其他朋友唔係聞而不問，就係當佢講笑。 可能有過類似經歷，知道講得出呢句嘢嘅嚴重性，深明呢種無助，個心戚住戚住痛，卻又解釋唔到自己點解唔開心嘅情況。 當下選擇做嘅就係陪伴，畀佢知道佢想講我會聽，唔想講都唔緊要，至少我喺度。 後來佢好返少少，推介咗好多emo歌畀佢，同佢一齊聽，想喊就喊，要嗌就嗌，一直陪佢直到佢攰了想瞓。 （最近經另一位友人提醒，聽呢啲歌係雙面刃，容易放大咗情緒。都係，不過比起正能量歌，我始終喜歡聽唱到我心坎裡嘅歌。） 多多關心身邊人，未必係佢哋冇求救，而係我哋當睇唔到。