同老母睇inside out2 之後嘅感想+ 老母想法+ 好好，我鍾意討論： 我覺得一開始刻劃到焦慮係一個好恐怖嘅情緒，雖然佢最後都有講話所有好嘅壞嘅都係riley，都值得擁抱，但篇幅有啲太短。我buy佢最後話將來係點我哋係控制唔到，所以叫焦慮放鬆先。如果可以加句只要我哋盡咗力，做返自己，就錦上添花。 其實佢哋成班去搵「我係個好人」嗰舊波，拖得有點長，而喺佢哋去緊嘅時候，大腦個邊嘅scene刻劃到焦慮係一個好自私同恐怖嘅角色。如果可以將佢哋大和解之後繼續發展嘅幕數加返長，再落多啲描寫喺所有情緒一齊合作，show到觀眾一個情緒更加成熟嘅riley，咁樣嘅結局會更加圓滿。