第一次學人去追星 本來好開心見到真人同識到新朋友仔 但睇到一啲新聞好唔開心 例如： 1️⃣保鏢喺機場貴賓室開電筒照路人，但個藝人俾人鬧 明白保安想好好保護藝人，因為最近佢真係紅爆，確實好多人會埋身，亦明白我家藝人好不受控成日跑向自己啲fans度派糖，但今次保鏢大叔真係做多咗。 希望保鏢公司好好部署之後應該點做好。 2️⃣出名愛錫fans嘅藝人喺記者會唔向前排笑，原來前排坐嘅唔係記者同fans而係一啲所謂「名媛」。 其中一個花痴「名媛」仲要偷摸個藝人（俾人影到晒！）仲要不知廉恥咁事前同隔離條女話自己點郁手，之後「得咗」咁嘅表情真係噁心！ 難為藝人聽講夜晚仲要同佢哋飯局！ 娛樂圈真係好黑暗😔 希望經理人公司好好保護藝人，唔好搞啲咁核突嘅飯局啦！ 佢個藝人真係唔缺呢啲所謂機會。