對於「2024仲分黃藍」依個論調，想分享啲有溫度嘅故事回應吓🥹 1：做義工幫忙做政治庇護被reject嘅case，有朋友仔不斷催促我可唔可以快啲處理律師費同上訴費用，最後佢cap咗自己銀行戶口俾我，話得返咁多用三個月。而個度係£10。 2：有朋友係英國申請政治庇護被拒，繼續留係難民酒店要與人共住。等待上訴取得居留權嘅時間遙遙無期，連只係「留係英國」依件事都未做到。 3：有啲仍然係香港保釋緊/啱啱出番嚟嘅朋友仔仍然被持續監視，冇日常生活，更冇辦法盼望未來。以前同都係讀社工嘅朋友暢談將來、想服務香港人，但啱啱畢業嘅佢以後都冇得再做社工。 4：有朋友臨入冊之前笑著同我講：「今日上完庭車大家番屋企！」now我就嚟可以自己考埋車牌了，但冇得番屋企，同佢連contact都唔敢。 5：點少得流亡嘅一群人？我都好想番屋企，掛住爸爸媽媽🥹我都想好好地生活 創傷需要距離治癒好合理，但唔好俾自己合理化「忘記」，因為有好多人仍然受緊苦難。好多人面對緊嘅狀況仍然需要被看見，我仍然相信大家係有溫度的，希望大家唔好俾痛苦同恐懼控制自己，冇辦法對抗極權住，就先擁抱好大家。但唔能夠忘記，忘記就是一種退縮。