適逢奧運都好多人衝出嚟不停將運動同錢掛鉤，會話人哋成功到其中一個原因係屋企有錢，香港人真係好慘，喺呢個狀態下成功咗或者仲努力緊嘅運動員仲慘，不過呢個就係香港，憎人富貴厭人貧，其實香港有錢同肯花錢培育下一代嘅人唔少，只係個文化同教育意識水平有問題，唔排除有好多人，因為基本需求而做唔到運動員，的確培養運動員係需要錢，但先唔講知唔知道自己有天賦，試問有邊個係可以問心無愧教到下一代咩叫搏盡，點解咁多名校出咁多精英都上唔到大台？ 完全冇想引戰既心，只係想為大家留意唔到但依然好努力嘅香港運動員講一句，加油。 絕大部份嘅香港人都唔會明你哋，只有從來冇放棄過嘅人先會知你哋點先行到今日呢一步，我都會繼續努力，向你地學習。