一人一個加拿大/多倫多優點 老老實實，一時之間我諗唔到，可唔可以share下你哋眼中加拿大/多倫多優點？ 係加拿大兩年，由普通I人變成超級I人，愈來愈收埋自己，感覺自己一日差過一日，開始搵唔到留低嘅意義。玩thread除咗想9 up下日常之外，仲想當diary咁記錄返呢兩年生活嘅一點一滴，搵下有冇值得留低嘅理由。之後可能每日都出下post直至待不下去。 有時睇返以前啲相，發現啱啱到多倫多真係幾開心，雖然我一直冇憧憬外國生活，都冇帶住好高期望嚟多倫多，但係總歸有少少期待。但係好似由離開香港踏上飛機嗰刻，對加拿大/多倫多嘅印象就一直下降，到而家真係就跌到零分。有時我都係度諗到底為左乜野留喺度。由搭加航感覺比空姐歧視/閪到仆街，嗰陣都冇乜放喺心上，以為係個別事件，但係自此好似就事事不順，兩年感覺自己差唔多每一個決定都係錯咁。遇到仆街/好人嘅概率係100比1左右，我覺得好攰，好懷疑人生。 多倫多 多倫多 多倫多