好奇問一下各位女仕 有個問題困擾左好耐，想問下各位有無咁嘅情況 ，你地平日差唔多M到前嗰幾日，會唔會無端端訓訓下覺會勁肚痛，然後痛醒，嗰種痛係M痛嗰種痛，但係比M痛勁好多，有時會痛到標冷汗想嘔咁樣，但下面就無出血 試過幾次想去睇醫生，行幾步去左廁所，但痛到行唔番出來，通常咁嘅情況，我有計過痛幾耐，通常痛半個鐘內一定會停，就好似M痛咁樣，會慢慢無咁痛，然後慢慢唔痛咁樣。通常嗰日朝早痛完，之後個肚兩邊會陰陰痛，但又唔係番唔到工嗰種，所以都無特別理 呢個情況都有幾年，咁啱最近有其他野去左睇婦科醫生，所以順便有同醫生提過呢個情況，但係醫生話照左陰超，我其實只有幾粒1CM左右的子宮肌瘤，卵巢都正常，未必關事，因為子宮卵巢正常也都唔會係咩大野來嘅 但係令我最困擾係佢每次都係訓訓下覺來料，同埋勁痛（好似經痛咁，但係比經痛嚴重好多）,但佢又唔係長期痛，係痛幾個字至半個鐘就停，醫生都無講咩原因，話痛嗰時就食止痛藥 我想問下各位女仕有無咁嘅情況？我想知係咪淨係我係咁