出左個放負嘅post出返啲輕鬆野，費事好似唱衰加拿大先係流量密碼 啱啱嚟到住左差唔多一個月機場酒店，因為平，仲平過BNB。係加航比空姐歧視完同過完關之後已經係燃燒緊小宇宙，好記得搭酒店嗰架Shuttle Bus係要上兩三層樓梯，唔係車外有個行李位比你放行李，第一下見到呆左，因為香港見慣24座Toyota 做酒店車。用盡飲奶力先扔到幾個差唔多30kg嘅gip 上樓梯，上到樓梯司機大佬幫我「逗」左一下，先成功搬到上去。上個post講到遇到嘅好人10隻手指數得晒，司機大佬算係一個。去到酒店check in 時明明一早上網同佢訂左一個車位，check in嗰陣話係先到先得，同埋冇左上網個優惠價。最後講左一輪經理先出嚟話保證一定有位，冇位同佢講，最後收咗20日正價停車場錢泊30日。 到埗前已經租左車，第二日一早坐Uber就見識到多倫多車手同埋塞過屯公嘅401，車手左cut右cut都差唔多一個鐘先去到，去到Markham第一感覺有啲似返左90年代。租左一個月車，嗰陣覺得好貴，total係$1800，保險墊底費$5000。 （打唔晒留言繼續） 多倫多 多倫多 多倫多