教書L 原來聽日就放榜 呢件事對我嚟講已經相當遙遠 返轉頭一望其實發覺一切都係過眼雲煙 但我都明白喺呢一刻嘅你可能會覺得呢個就係你嘅全世界 （想當年通宵同朋友坐老麥） 但我會話呢張成績表只不過係人生嘅起點 考得好與唔好 都係向自己負責同交代 只要你盡咗力 就對得人 拜得神 至於揀咩科 我而家都覺得係忠於自己嘅夢想 因為好多時你第日嗰行 都未必係你揀嗰科 淨係諗出路去揀科可能你都會讀得唔開心 至於考得唔好 你好可能係掙扎緊retake 定 asso 我覺得呢樣嘢好睇唔同人嘅性格 Retake 真係需要好強大嘅毅力同埋堅持 因為呢條路好多時都係孤單 要忍受身邊嘅人喺度玩緊Ocamp嘅時候 自己好努力咁讀書真係好難挨 至於asso 雖然你會得到短暫嘅喘息 但係呢條路係持久戰 好多人同一時間都會想博上去 能唔能夠爭取到一席之位 抵受到花花世界嘅誘惑 真係好睇你有幾多斤両 （身邊都有人掛住蒲 博唔返上去） 無論聽日係點 我都希望大家金榜題名